Nachgefragt bei... Nicole Koller

Die Welt steht still - inklusive bei den aktiven Profisportlern und Rennfahrern. Wir haben bei unseren VC Eschenbach Fahrern nachgefragt, wie sie sich während dem Corona-Lock-Down fit halten und wie ihr üblicher Tagesablauf aussieht. Nicole Koller beantwortet heute unsere Fragen.

Nicole Koller beantwortet heute unsere Fragen.

1. Wie sieht dein Trainingsalltag aus?

Miin Trainingsalltag het sich nöd gross veränderet... s Krafttraining mach i vo dehei us und mini Trainings fahr i elei.
Nachdem d Meldige cho sind, dass alles abgseit isch, han i numel churz e Pause ihgleit und jetzt numel en neue Ufbau gmacht. Nebetbi investier i chli ziit im Techniktraining.

2. Wie hältst du dich mental fit für die Saison, bei welcher unklar ist, wann und wie sie startet?

Di kurz Pause het mer chli mentali Frischi geh und jetzt bin i eifach offe für das was chunt und gnüsse d Ziit dehei und s Velo fahre.

3. Was vermisst du am meisten?

Am meischte vermiss ich de Ustuusch und s Messe mit mini Velofründe. Und d Massage🥴

4. Was ist das Einschneidenste für dich wegen dem Corona Lock-Down?

S entscheidenste isch für mich wohl, dass kei Wettkämpf stattfindet und dass Olympia es Jahr verschobe worde isch.

5. Was lernst du aus dieser Zeit über oder für dich?

Geduldig z'si und nöd nur ah sich selber denke. Es wird immer Teams geh und wenn all am gliche Strick ziehnd, chömed mehr zeme wiiter.

6. Zum Schluss, jeder kocht momentan... Welches ist dein Lieblingsrezept oder Menutipp?

Min Menütipp isch Spinat-Calzzone...sehrsehr lecker oder au chinesische Gemüesstrudel...brucht aber chli Geduld und es ruhigs Händli für de Teig.

7. Das möchte ich noch loswerden...

Es freut mi, dass sich alli so guet ah di Massnahme vom Bund ghalte hend und dezue verhulfe hend de Virus ide Schwiiz so chöne ihzschränke. Ich wünsche eu wiiterhin alles Gueti und langi Gsundheit und hoffentli gseht mer sich gli mal wieder uf em Velo. Gueti Fahrt allne.